Greek island te 1,500 Refugees ke uthabo ase

September 15, 2020. Nepal government para domestic flights aro besi din bondh korikena thaka public transportation services toh September 21 darik para koli thiboli junai thishe. Etu fesla toh Covid-19 bemari thaka nemite choi(6) moina oper rokaikena thaka beche ase koishe. Government para bemari nemite March moina te etu services bondh kori thishe, koikena Xinhua news agency para khobor thishe. Monday din te cabinet meeting samay domestic flights aro besi din para bondh thaka public transportation services koli thibo” koikena Minister for Culture, Tourism and Civil Aviation, Yogesh Bhattarai para Tuesday pujur te junai thishe. Jaa hafta dak, Nepal te Covid-19 cases toh pai thakishe hoilebi, Bhattarai para koishe ke, etu services toh aro soruh koribo aro etu samay health protocols toh hosari para jolibo. Tai koishe ke, Ministry para health protocol toh agae para ready korikena ase airlines khan para domestic flights soruh kora beche bhal para maniboli koishe. Etai dak Nepal te, Covid-19 cases toh 55,329 ase aro 360 manuh morikena ase koishe. Officially, July moina te government para fesla korishe ke, short-distance public transport toh aro soruh koriboli koikena thakishe. Hoilebi, district besi te local administration khan para transportation services chaka sob te rokai thishe, keli koile jaa hafta te positive cases besi othi thaka nemite.