Agencies, 15 September: Goods laga transportation plan koribole nemide Northeast Frontier Railway (NFR) para inward aro outward goods traffic te shaijabo nemide notun stations khulishe.
Subhanan Chanda, chief public relations officer, NFR koise, jowa moina samai olob railway stations toh cargo traffic nemide khula thakise. Etu para customers khan alak alak saman laga transportation nemide sosta howa thakise.
Outward cargo traffic othabo nemide Rangiya division pithor laga Udalguri station toh outward goods booking facility te stone chips & boulder traffic nemide sabo karni khula thakise. Etu toh August 3, 2020 para tin moina laga samai tak nemide.
NFR official para Katihar division pithor laga Rangapani station be outward booking of Fertilizer traffic nemide August 12, 2020 para suru korikena agae khobor nadiya tak nemide khulishe koise.
Katihar division pithor laga Bagdogra station be Container Rail Terminal (CRT) hisaab te Container traffic te shaijabo karn I August 21,2020 para March, 31,2020 tak jolibo nemide khobor korise.
Rangiya division pithor laga Vishwanath Charali station be coal, POL, livestock, explosive aro crane consignment te charikena sob inward goods traffic nemide August 24, 2020 para khulishe. Etu toh choi moina laga samai nemide ase.
Lumding division pithor laga Lanka station be outward coal traffic karni be agae khobor nadiya tak nemide August 26, 2020 para khulise. Lumding division pithor te Belonia station toh inward traffic of stone chips, ballast & boulder traffic nemide khulishe. Alipurduar division pithor te Gauripur station toh agae khobor nadiya tak inward FCI traffic te shaijabo karni August 27, 2020 para khulishe. Poila Northeaster Frontier Railway para cargo handling/booking n emide besi stations khula thakise.
Add Comment