September 19, 2020. Donald Trump laga bhapana te Covid-19 vaccine toh “American manuh sob” logot April 2021 saal te bhabo. US President Donald Trump para koishe ke, United States te coronavirus vaccine doses toh “American manuh sob” logot April 2021 saal te paijabo koikena president para Friday din White House news conference samay junaishe. 2021 saal desh te, komti hoilebi vaccine toh 100 million doses paijabo, Xinhua para koishe. Hoita moina “hundreds millions tawai babo aro April moina para American manuh sob vaccines paijabo, aro ami koiase ke, ahiboli din te be vaccine ketai olabo jolti te paijabo” koikena Trump paa janai thishe. Etu kotha toh President para agae din coronavirus vaccine toh October moina para thiboli soruh koriboli koikena thakishe. “ami khan vaccine osor te ase aro ami bhapana te manuh khan para koboli logot be osor wala ase” Trump para Wednesday din White House te press briefing samay koishe. “ami khan bhapana toh October moina bhali soruh koribo, aro junai deya samay logot soruh hobo. Aro etu October moina te thakibo. Olop deri hobo nohoile etu para be jolti hobo”. Wednesday din te hoilebi, US Centers for Disease Control and Prevention Director Robert Redfield para lawmakers logot Senate hearing thaka samay koishe ke, tai laga bhapana te vaccine deya soruh koriboli toh November nohoile December moina para koribo, hoilebi komti hoikena kuan manuh khan besi lakiase, heakth workers khan neshina logot first doses toh thibo.
Redfield para aro koishe ke, Covid-19 vaccine toh American public logot napa agae te etu second quarter nohoile third quarter 2021 saal laga hobo.
Add Comment