Agencies, 20 September: Mumbai Cricket Association Apex Council member aro curator Nadim Memon para BCCI ke Syed Mushtaq Ali trophy toh Mumbai te lobole nemide koise. tai khan para domestic T20 tournament lobole nemide city te besi grounds ase koise.
BCCI chief Sourav Ganguly, Memon ke e-mail te koise, “Mumbai ke zamidari toh debo lakae Mushtaq Ali Tournament lobole nemide. Ami khan BCCI Mushtaq Ali Tournament season 2020 toh Mumbai te suru koribole paribo”.
Tai para city te phal choita quality cricket stadiums toh sbo facilities logode phal hotels ase koise.
BCCI guidelines hisaab te sob cricketer/officials’s staff ke care lobole ase koise. Mumai para February/March 2020 te All India Women’s BCCI One Day tournament toh kamiyaab hoikena 20 din te loise koise. Tai para be ami khan ahibole cricketer laga bread aro butter nemide phal para bhabona koribole aro tournament nemide arrange koribo lakibo koise.
Tai para BCCI toh Mumbai te players aha khan nemide COVID-19 nemide test koribo karni ensure koribo lakibo koise aro tournament nahowa agae tin din to jar din te aro test koribo lakibo koise.
Tai koise, players khan kon ke hoilebe pahar manu ke lok koribole nemide namanibo lakibo. Sob facilities thaka hotel room te thakibo lakibo. Tai khan be stadium te ekta fixed bus te jabo lakibo. Eki toh BCCI matche officials of tournament te folloe koribo.
Etiya tak desh te domestic cricket nemide BC CI para eku official kotha nai.
Record nemide, Mumbai toh desh te ekta sobse COVID-19 affect howa cities ase, one lakh opor cases thakikena. City te cricket toh mid March samai para rokhaikena ase.
MCA ke tinta grounds- Wankhede, BKC aro Sachin Tendulkar Gymkhana in Kandivili ase. Aro DY Patil Stadium toh Navi Mumbai te aro Dadoji K Stadium toh neighbouring Thane te ase. South Mumbai te Brabourne Stadium laga malik toh Cricket Club of India ase.
Add Comment