England te hokom namanile $13,000 fine koribo

London: September 20, 2020. Saturday din, bemari cases besi utha nemite notun hokom para England te coronavirus spread kora rokabo  nemite kaun manuh para self-isolate  nakoribo 10,000 pounds ($13,000, 11,000 euros) fine loboli koishe. Prime Minister Boris Johnson para etu hafte te koishe ke, Britain te second wave of Covid-19 thiki ase, etu para northwest, northern aro central England te notun restrictions toh millions manuh logot janai thishe. Saturday din te aro koishe ke, September 28 darik para kaun manuh positive test thuribo nejor self-isolate koribo nohoile National Health Service (NHS) tracing programme logot khobor thiboli koishe. “sobse bhal neem virus logot larai koriboli toh manuh sob para hokom manikena aro jodi tai khan logot coronavirus risk ase koile, nejor para self-isolating koribo lage” koikena Johnson para statement te janai thishe. “aro kaun para be etu ke thamali nakoribo lage, jodi tuni ke virus toh ase koile, notun hokom hesab para manibole lage nohoile NHS test aro trace koribo lage”. Etai kaun manuh logot symptoms ase nohoile positive test thurikena ase, tai khan logot 10 din nemite self-isolate koriboli koishe. Aro kaun manuh symptoms nohoile positive test thaka manuh logot eke thaki ase koile, tai khan ke 14 din nemite self-isolate hoboli koishe. Notun fine toh 1,000 pounds para soruh koribo, jodi international travel beche quarantine nakorile, aro etu same kam toh aro korile 10,000 pounds te uthibo aro business manuh logot be staff ke self-isolate thakibole officials para janai thishe. Incentive ekta te kaun manuh low income ase aro tai khan isolation te thaka samay ghor para kam koriboli naprehlim tai khan ke extra lump sum 500 pounds thiboli koishe. Britain te Covid-19 positive thaka 42,000 neshina manuh morikena ase. Europe te sobse beya chaka ase. Summer break thaka beche, bemari cases aro besi uthiase. Johnson para Friday din te second wave ahiboli warn korishe. “ami khan France, Spain aro Europe sob te thikiase, bemar besi uthiase, etu nemite ami phui ase aro ami khan desh te ahibo” tai koishe. Saturday din London te, anti-vaccine aro anti-lockdown protesters khan Trafalgar Square te police logot larai korishe, etu samay police para 32 manuh ke thurishe.