US Supreme Court judge nemite maiki manuh junibo

September 20, 2020. President Donald Trump para US Supreme Court te Justice Ruth Bader Ginsberg mora chaka kali te maiki candidate junibo koishe. “aha haft ate ami nominee rakibo. Aro etu ami laga hesab te maiki manuh hobo, ami bhapana koi ase. Aro judi konuba manuh para hotile ami maiki manuh first hoboli kobo” koikena Saturday din North Carolina te Trump para tai laga supporters logot janai thishe. Ginsburg toh history bona maiki ase, tai toh icon aro maiki manuh right aro social justice te champion thaka toh Friday din cancer bemar para morishe. Tai 87 umer thakishe. Desh laga sobse tangor court te justice kam koriboli toh tai maiki manuh pithor te tuita(2) wala thakishe. Trump para koishe ke, US Supreme Court te vacancy thaka chaka te manuh thakiboli tai laga right ase. “kam nemite ami khan tangor respect ase. Etu besi paar eneka hoi thaki aro hotai nominee thaki. Aro enka besi paar presidential saal te hoi” koikena Trump para reporters logot koishe. Election thaka saal te, 29 supreme court judges khan ke juni thaki. “ami bhapana te etu kam toh jolti soruh koribo lage. Ami khan nominee jolti paijabo” tai koishe. Rally thaka samay, Trump para supporters khan logot hotishe ke, joti nominee toh mota naa maiki kobo..manuh khan para toh maiki candidate hobo koishe. “etu ektam thik poll ase( manuh para koishe) keli koile, ami be etu bhapna ase. Ami mota manuh logot toh maiki manuh he kushi ase. Aro maiki manuh hobo, talented aro intelligent maiki” koribo, koikena president para aro koishe. Hoilebi, final nam toh junai deya nai.