Saudi Arabia te “Umrah” Pilgrimage , October 4 para soruh hobo

Riyadh: September 23, 2020.  Saudi Arabia te October 4 darik para  umrah pilgrimage soruh koribo koikena Tuesday din te interior ministry para junai thishe. Coronavirus nemite 7 moina suspend thakishe. First stage te October 4 para ek(1) din pithor te kingdom te thaka manuh 6,000 khan ke umrah koriboli debo” koikena ministry para statement kowah toh official Saudi Press Agency te junai thishe. Bahar kingdom laga visitors khan ke November 1, darik para ahibo thibo, etu samay, ek din pithor ketai umrah capacity toh 20,000 te uthibo, ministry para koishe. Umrah toh Islamic pilgrimage khan Mecca te jaa ke koi, aro etu saal pithor kushi din thakibo pareh. Etu samay, duniyaa para million neshina Muslims khan jama kori. Ministry para koishe ke, ketai bemari toh hatabo parebo Umrah toh full capacity te thakabo. March moina te Saudi Arabia para umrah toh suspended korishe aro hajj be deri kori thishe, keli koile te coronavirus bemari toh Islam laga holiest cities te spread hoboli phui para koishe. Umrah thakiboli fesla kora toh Muslims manuh pithor aro bahar te thaka khan para ceremony loboli aro tai khan laga holy sites saboli nemite ase, koikena interior ministry para koishe. Saudi Arabia laga tuita(2) holiest sites- Mecca aro Medina chaka toh sobse tangor political legitimacy ase koishe. Holy sites  te hotai saal million pilgrims khan ahi aro etu Saudi Arabia te sobse tangor revenue kamai koishe. Government laga besas toh 2030 saal para toh kingdom te 30 million pilgrims khan ke welcome koriboli ase koishe.