Agencies, 24 September: women’s FIFA Under-17 World Cup toh February-March nemide rescheduled kori kena ase. Hoielbe etu toh COVID-19 pandemic te shaijai kena arobe postpone koribo nesana ase.
Ashol toh India laga five venue te November 2 to 21 tak nemide scheduled kora thakise hoilebe pandemic nemide February 17-March 7 aha sal nemide agae te loija thakise.
Etiya tak health chamela te eku phal signs nadekha aro qualifying tournaments Africa, North aro Central America aro South America te etiya tak naloi kena thaka nemide aro postpone hobole ektum chance ase. Etu khobor toh ekta source para janaidebole mon nahoi kena PTI ke janaideya laga ase.
All India Football Federation (AIFF) general secretary Kushal Das para PTI ke etu issue nemide etiya take official update nai koise.
Tai para tournament laga postponement opor te hot ate situation te shaijai kena postpone hobo pari koise. Tournament nemide khali five moina bachi kena thaka aro confederations of Africa (CAF), North and Central America (CONCACAF) aro South America (CONMEBOL) para etiya tak qualifiers nahoi kena thaka nemide postpone hobo pari.
Jowa moina Europe (UEFA) para qualifying tournament cancel kora thakise aro highest-ranked teams te Spain, England aro Germany ke nominate kora thakise. Oceania (OFA) laga confederation para eki toh korise aro New Zealand ke nominate korise kelay koile U-17 World Cup te representative nemide.
AIFF para national camp toh aha moina suru hapta te suru koribole plan korise hoilebe tournament postpone korise koile etu toh nahobo.
Head coach Thomas Dennerby toh March moina India para chara bechide etiya tak tai laga khor Sweden te ase. Player be March te lockdown samai respective homes te kora aha bechide outdoor training naloi kena ase.
Add Comment