Pakistan te Gilgit-Baltistan assembly election Nov 15 loboli junaise

September 24, 2020. Pakistan para junaise ke, olop din agae te postponed korikena thaka Gilgit-Baltistan legislative assembly election toh November 15 darik te thakibo. Hoilebi, Islamabad para etu fesla kora nemite India para objection korishe. Wednesday din, President Dr Arif Alvi para official notification thikena Gilgit-Baltistan te election darik fix koriboli koishe. “Islamic Republic of Pakistan laga president para kushi junai ase ke, Sunday din 15th November 2020, din toh Gilgit-Baltistan (GB) Legislative Assembly, Section 57(1) of the Elections Act 2017,” pithor te general elections laga poll din thakibo” koikena statement para koishe. India para Pakistan logot koishe ke, union territories Jammu aro Kashmir aro Ladakh chaka sob toh aro Gilgit aro Baltistan integral part toh India laga ase. India aro koishe ke Pakistan government para etu chaka toh locus standi nai aro illegally para kabza kora ase koishe. Gilgit-Baltistan te election toh August 18 darik te loboli thakishe, hoilebi coronavirus bemari nemite te Election Commissioner para postponed korishe. Polling toh legislative assembly laga 24 general seats nemite lobo. 5 saal nemite term toh June 24 darik te kotom hoishe, aro etu para Pakistan Muslim League-Nawaz (PML-N) para 5 saal rule kora be kotom korishe. Sob melaikena 33 seats ase, hoilebi choita(6) seats toh technocrats aro tinta(3) maiki manuh nemite reserved ase. Election darik toh Gilgit-Baltistan’s status full-fledged province hoboli roka samay junai thishe. Etu fesla toh Opposition leaders aro Pakistan Army chief Gen Qamar Javed Bajwa pithor te September 16 darik meeting kora beche ase koishe.