Agencies, 21 September: Friday de top shuttlers P V Sindhu aro Kidambi Srikanth toh quarterfinal matches de harise. Etu pora $1 million China Open BWF World Tour Super 1000 tournament de India campaign toh kothom hoise. Srikanth toh Japanese khelari world champion Kento Momota logode 9-21, 11-21 pora harise. Sindhu toh Chinese khelari World No. 6 Chen Yufei logode 11-21, 21-11, 15-21 pora harise. Poila Chen logode six par log powah de Sindkhu jar-par jeta thakise. Hoilebe etu par Friday din khela de tai jetibole paranai. Suru match de, Chen 6-3 pora agae de thakise. Chinese khelari pora gara marikena 11-5 pora agae de thakise. Etu time de Indian khelari toh jawab debole na-para thakise. Break bechide, Sindhu tuita points pora agae thakise. Hoilebe net de dekthari powah thakise aro tai pora mara de beya howah thakise. Sindhu pora galdi kori thaga time de Chinese toh 15-7 pora agae de thakise. Chen pora khel toh buchi powah thakise aro Indian khelari galdi kori thaga time de Chinese khelari pora points lowah thakise. Last de Chinese khelari khel toh ektum kathar mari kena jeti-lowah thakise. Poila Srikanth toh Momota logode 3-7 pora record thaga toh Momota’s laga defence de paranai. Momota logode Srikanth toh Malaysia Open (June) aro Indonesia Open (July) debe hari kena ase. First de Srikanth toh 1-5 pora thakise. Tai three straight points pora 4-5 aro lobule para thakise. Hoilebe tai khel de para nai. Kelay koile Momota pora first game najeta agae de 19-6 loi-lowah karni. Second game de, Momota toh nine straight points pora 4-3 tode 13-3 howah thakise. Tai arobe par-par jeti kena khel sosta pora jeti lowah thakise.
Add Comment