Vaccine na-ola samay manuh mora 2 million pongchibo: WHO

September 26, 2020. World Health Organization (WHO) para warn korishe ke, vaccine napa agae te global coronavirus para manuh 2 million oper manuh morikena thakibo. Friday din, WHO emergencies head Mike Ryan koishe, international para action nakora agae te manuh mora number toh besi be hoboli pareh, BBC para khobor thishe. Covid-19 para manuh mora toh besi jolti 1 million ponchishe, China te bemari toh ola beche nou(9) hoishe. Ryan para aro koishe ke, Europeans khan nejor hotibo lage ke, tai khan lockdown thakibole kam korishe nai. Tai para aro sawal korishe ke, dosura kam neshina testing aro tracing, quarantine, isolation, social distancing, masks aro hand-washing koriboli  hokom bonaise nai. Olop din agae te, Spain laga capital Madrid desh te atha(8) district te coronavirus restrictions hokom kara kora nemite, city te million manuh logot affect hoishe. France te bars aro restaurants laga staff khan para southern city Marseille te tai khan laga kam kora chaka bondh kora nemite protested thakishe. Aro United Kingdom te, hotai din bemari cases uthi thaka nemite restriction kara wala junai thishe koishe.