Pakistan te passenger bus jui lakishe

September 27, 2020. Pakistan te passenger bus jai thaka samay jui lagikena palti kora te komti hoilebi 13 manuh morishe, koikena officials para janai thishe. Saturday din Bus toh Hyderabad para Karachi te besi speed jai thakishe. Rasta te skidded hoikena jui olaishe, police aro rescue officials para koishe. Accident toh Nooriabad osor chaka te hoishe aro komti hoilebi 13 manuh morishe koishe. “etu bus te 22 passengers thakishe, palti hoishe aro jui thurishe, besi manuh pasikena jui para julishe. Dosura manuh khan ulaboli parishe aro kaun manuh pajishe tai khan jui para julishe’, koikena IG Motorway Police Dr Aftab Pathan para media logot janai thishe. Manuh 5 jun pachia khan besi serious te ase, tai koishe, aro officials khan para bus pithor te bodies toh ulaboli kori ase. “Bus toh Hyderabad para 60 kilometers neshina jaa beche accident toh hoishe aro etu bus toh accident te sob beya hoishe”, officer para koishe. Karachi para Edhi ambulance aro Edhi Home khan spot te ahikena fire tenders logot melikena jui toh bondh korishe. Etu saal olop din agae te be, Notun Karachi chaka te  family ekta choi(6) jun manuh etu pithor te 4 jun bacha khan toh tai khan laga gari(van) te jui olaikena morishe, aro 5 jun besi tangor jokom paishe koishe.