September 28,2020: southeast Delhi’s Shaheen Bagh area te Police para Sunday te koishe ki ekta 32 umar mota ke ekta maiki ke kaam dibo koikena rape kurishe.
Police para etu maiki para complaint diya pichede kun Ghaziabad te thakeh aro factory te kaam kura para diya pichede thurishe.
senior police officer koishe ki Etu survivor para tai laga complaint te koishe ki nutun kaam bisara samay te tai toh WhatsApp group — ‘Job for all’ te ahise.
Officer koishe Group te kotha kura samay te accused para tai ke matikena koishe tai toh group laga member ase aro tai ke kaam pabole modot kuribole manishe.etu pichede tai dui jun kotha kuri thakishe.
Zee News report te koishe ki Wednesday te etu accused para aro bi tai ke kotha kurishe aro koishe tai nimete kaam paishe koikena aro tai ke Abul Fazal Enclave Shaheen Bagh te ahibole janaishe.
Police koishe ki Etu maiki Shastri Park metro station te puncha pichede tai ke uthaikena tai ke tai laga ghor Abul Fazal Enclave tai laga motorcycle para luijaishe.
Reports hisaab te tai laga ghor puncha pichede etu accused para tai ke khaa luwa dishe hoilebi tai khaanai.
Police koisheTai koishe tai gao thik nai etu pichede etu accused para massage dibole koishe etu bi tai mananai.
Police koishe Etu pichede accused para tai laga haath duita thurishe aro joborjosti kurishe.tai etu pichede etu victim ke tai laga Ghaziabad laga ghor te charidishe.
Deputy Commissioner of Police (southeast) R P Meena koishe”chan bin kura samay te etu accused laga number switch off thakishe .etu victim toh accused laga Abul Fazal Enclave laga ghor te chinishe etu pichede etu accused ke thurishe.”
Add Comment