September 28, 2020. Aranyam Bora, 22 saal umer, Assam desh para thakishe. Tai Canada, Mactaquac Headpond te cliff oper para jump korikena morishe. Wednesday din te, Aranyam hari jaishe, tai laga body toh cliff diving logot Royal Canadian Mounted Police (RCMP) divers khan para Thursday din te paishe. Bora toh Fredericton, New Brunswick, St. Thomas University te fourth-year student thakishe aro political science and international relations te major loi thakishe koishe. Sources hesab para khobor kora toh, Aranyam Bora ke Ary Bora koikena be jani aro tai Guwahati te thaki koishe.Tai, New Brunswick te higher studies nemite jaishe aro Fredericton te bohi thakishe. Media para koishe ke, Milly Squires koikena McAdam native para ase aro tai toh St. Thomas University third-year student ase. Aranyam toh bodybuilder aro martial artist be thakishe, tai laga physical condition besi bhal ase koishe. Wednesday din te, Squires para koishe ke, Bora aro sati ek jun logot headpond te cliff diving koribo jai ase koishe, etu chaka toh Fredericton para 20 km thur ase. Squires koishe ke, tai toh olop daredevil neshina ase aro olop din agae te be bridges para jump koriboli kotha koi thakishe. Squires toh mon besi jenta lakiboli hoishe, keli koile tai ke text messages bota toh eku jawab thaka nai koishe. Thursday din te Squires para tai laga sati kaun tai logot thakishe, contact korikena etu khobor toh honishe koishe. Bora laga body toh Thursday din te, RCMP divers khan para paani te uthaishe. Tai aro koishe ke, Bora laga sati logot toh kotha korishe, etu samay tai laga sati para koishe ke, phone te cliff diving toh Instagram account te thakibo nemite video loishe. Squires para koishe ke, Bora logot ke hoishe video para janibo.
Add Comment