US federal judge para TikTok ban order ekpar nemite rokaishe

September 28, 2020. President Donald Trump laga administration para Chinese app video bona TikTok ban korikena thaka toh US federal judge para ek para nemite blocked kori thishe, koikena media para khobor thishe. Sunday din te,US District Court for the District of Columbia laga Judge Carl Nichols para ban korikena thaka toh rokai thishe. TikTok’s attorneys para Trump logot larai korishe aro koishe ke, etu ban kora toh free speech laga rights oper te kelaaf ase, koikena Hill news website para koishe. Etu app ban korishe koile, TikTok toh smartphone app stores aro app-update toh hatai debo, etu matlab toh notun manuh khan para app toh download koriboli naparibo aro kam najola hoi jabo koishe. Etu fesla oper te TikTok para Monday din te koishe ke, tai khan fesla te kushi paishe, aro tai laga rights toh pajaikena rakiboli promise korishe, koikena BBC para khobor toh janai thishe. “ami khan khusi paishe ke, court para ami khan laga legal arguments toh manishe aro TikTok app ban koriboli thaka toh rokai thishe” statement para koishe. Etu moina olop din agae te, Commerce Department para junai thishe ke, TikTok downloads kora toh September 20 darik para bondh koribo aro restrictions toh November 12 darik dak thakibo, koikena CNN para khobor koishe. Sunday din te fesla kora toh, olop din agae te Trump laga executive order te WeChat, Chinese messaging, social-media aro mobile-payment app ban koriboli koikena thaka toh Judge para ek par nemite rokaikena thaka beche ase koishe. Ban toh September 20 darik dak jai thakibo. August 6 darik te Trump para executive order te US transactions via WeChat be bondh koriboli koikena thakishe. Desh te WeChat users khan laga legal rights larai koribo nemite, USWUA aro NGO, khan melaikena administration khan logot court te case korishe aro etu lawsuit toh September 17 darik te kolibo koishe.