Mexico bar te hamla korishe, 11 jun morishe

September 28, 2020. Sunday pujur te Mexico laga central state Guanajuato te hamla kora manuh khan para bar ek te 11 jun ke morai thishe, koikena local prosecutor’s office para janai thishe. Jaral del Progreso town te hamla kora manuh khan para 7 jun motha manuh aro 4 jun maiki manuh ke moraishe, aro dosura maiki ek jun besi beya para jokom hoishe, statement te prosecutor’s office para koishe. Local press para khobor kora hesab te, soko para thika te, hamla kora manuh khan gari besi te ahishe aro bantok para customers aro kam kori thaka manuh logot mariboli soruh korishe. Guanajuato chaka toh boila para agricultural aro industrial town ase aro etu chaka te tawai nemite hotai larai kori thaki koishe. Etu saal pithor te January moina para loikena May moina dak te 1,900 oper homicides case registered hoikena ase, Mexico laga dosura towns te crime logot be besi wala etu chaka te ase, koikena government figures hesab te janai thishe. Olop din agae te Guanajuato authorities para etu larai olai thaka toh tuita(2) criminal rings pithor te tawai beka khan aro fuel chor kora khan para kabza koriboli kora nemite. Jaa moina, authorities para Jose Antonio Yepez, alias “El Marro,” Santa Rosa de Lima drug cartel laga leader ke thura beche larai aro hamla kora toh olop roki-kena ase koishe.