September 29, 2020. Nepal’s Ministry of Culture, Tourism and Civil Aviation para foreign tourists khan nemite notun hoshari hokom banai thishe, COVID-19 bemari thaka nemite mountaineering aro trekking manuh kari ase koikena Tuesday din te media para khobor thishe.
Sobse important hoshari hokom pithor te tourists khan para logot visa nathakile entry-visa nahoile entry-permit thakibole koishe. Bera manuh hath te 72 gonda pithor te lowa laga PCR test report toh COVID-19 negative thakibo laga. Etu reports oper te hotel te bohibo nemite booking-documents be lage koishe, aro tai khan 7 din quarantine korikena $5,000 laga insurance papers toh thikabo lage koishe. Etu oper te, bera manuh toh, quarantined laga 5 din wala te tai khan nejor poisa para PCR test loboli lage, aro jodi result toh positive ase koile, tai khan negative test naola dak quarantined koriboli lage koishe. Ministry para aro koishe ke, trekking nohoile mountaineering agency khan para Nepal te manuh khan ke coronavirus nemite permit apply kora samay 100,000 NPR loboli koishe. Etu samay, eight-time Everest climber Pemba Sherpa para notun hokom te putnam korikena koishe ke, etu paar toh trekkers aro mountaineers khan ek jun be nathakibo. “tai khan ek hafta karne hotel te bohiboli nahibo, tai khan logot negative PCR thakilebi,,,” Sherpa para government logot hokom toh putli koriboli koishe. Nepal te Mount Everest aro dosura Himalayan peaks toh Covid-19 bemari nemite pas(5) moina neshina bondh thakina July 30 darik te kolishe. March para loikena May spring moina dak bemari thaka nemite eku kam koribo parah nai koishe. Government para March 13, 2020 darik te climbing permits rokai thishe aro permits thiboli cancelled hoikena thakishe.
Add Comment