22,000 Nepali kam kora manuh India jaishe

September 29, 2020. Komti hoilebi char(4) hafta pithor te 22,000 Nepali manuh khan India te jaishe. Etu manuh khan Nepalgunj border point para kam nemite India te jai ase. Police para koishe ke, kam kora manuh khan toh besi moina lockdown para aro Covid-19 bemari phui nemite aro etu oper te thakiboli dhuk paa nemite kam besari-boli jaishe, koikena Himalayan Times para khobor toh janai thishe. SI Giri, hesab para sob melaikena September 15 darik dak te 76,048 kam kora manuh khan Nepal te wabas jaishe aro etu Nepalgunj border point para ase. Aro etu eke samay, 40,000 Indian nationals khan ke nejor ghor te wabas jaishe. Giri para koishe, Nepali manuh, ration cards thaka khan Indai te jaboli soruh hoishe. Tai aro koishe ke, manuh khan ke border te alaj nemite, medicine saman loboli aro ghor manuh lok baboli aha-jaa koriboli dey ase. “ami khan para Nepal-India border te recommendation letter aro identity card saa beche manuh ke peraboli thiase”, Giri para kowah, Himalayan Times para janai thishe. Indian security personnel para Nepalgunj border point te Nepali manuh khan check kora nemite, manuh besi Indian identity cards nathaka manuh India via Kailali’s Trinagar border point para peraboli soruh hoishe. Dang, Banke, Bardiya, Jajarkot, Surkhet, Dailekh, Jumla, Salyan, Rukum aro Kalikot, te thaka manuh khan India te kam koriboli jai thaki koishe.