September 30, 2020. Tuesday din te, US President Donald Trump para koishe, India te Covid-19 bemari para manuh mora ‘hosa khobor’ nakoi, tai para etu kotha toh presidential debate thaka samay Democratic Party presidential candidate Joe Biden logot koishe. Tai jun toh coronavirus bemari para manuh mora oper te kotha para larai kori thakishe. Biden para koishe ke, coronavirus bemar para 200,000 manuh mora toh 1 million pithor te Duniyaa laga 20 per cent ase aro US population toh Duniyaa laga 4 per cent he ase koishe. Trump para wabas jawab thishe ke, “tui ketai number laga kotha korishe, China te manuh keman morishe jani? Aro Russia te keman jun morishe jani? Tui nejani India te manuh keman korikena ase, India para hosa hotha nakoi”. Trump para aro koishe ke etu bemar toh China laga kalti ase, hoilebi, Biden para China laga kotha toh hataina Trump oper te nam thishe. First debate toh Cleveland te loishe aro etu toh domestic issue he thakishe aro dosura international sawal thakanai koishe. India aro tiuta(2) desh laga nam lowa toh dosura foreign desh logot be janai thibo nemite ase. Olop din agae, tai laga news conference te India laga nam loikena Covid-19 tests lowa te second bhal wala ase aro India toh US laga beche te ase koishe.
Add Comment