Disney para 28,000 kam hatabo ase

New York: September 30, 2020. Tuesday din te Disney para junaise ke, US parks te 28,000 kam hatabo. Koishe ke, coronavirus bemar nemite aro recover koribo bapana para ase. Etu kam hatabole ola toh thik social distancing samay aro tangor restrictions toh California state government lakai thishe koikena company para press release te janai thishe. Kam para hatabole thaka two-thirds manuh khan toh part-time staff ase. “besi moina beche para ami khan laga business te adjustments koribo thakishe, aro aji etu fesla lowa besi dhuk ase, ami khan laga besas ase ke, etu fesla lowa te ketai normal te ahibo etu samay kam toh bhal para jabo” koikena Disney Parks, Experiences and Products laga chairman Josh D Amaro para koishe. Ek saal laga atha be nahowa agae te Disney theme park business toh $4.7 billion loss hoishe aro etu oper te tangor movies hoboli thaka toh be postponed hoi thakishe aro neje te keri jaishe. Etu negative effects para “Disney +” streaming service, demand besi hoishe “Mulan” aro “Hamilton” thikaboli be thik dar hoishe koishe. Fesla lowa beche Disney laga shares toh $123.57 para 1.5 percent te lamishe.