Kotha mana ke (Decision Making) Odisha Sorkar deri kuri

JHARSUGUDA, ODISHA, SEPTEMBER 22 : Prime Minister Narendra Modi pora aji Naveen Patnaik Cabinet ke kotha pora hala kurise. Etu ke PC (Percentage Commission) culture aro kotha mana kura deri kura pora tai kan State Odisha ke ahkete bhal te luijabole (development) nabara huijai koi kena ase koi kena janaide thakise.Notun Airport Jharsuguda te ulaidiya bejete Public Meeting manaise. Etu ke PM Modi pora BJD Sorkar bitorte Toilet aro Irrigation kan banabole kura chamala kan nemite eku saidebole nakuri. Aro etu pora Central Welfare Programmes kan laga bhal toh eku kam najula huijai koi kena janaide thakise. Aro etu kan sob nemite kotha hutha-huthe kurikena sabole nakura aro deri kura karne tai kan Odisha Sorkar majutte thik pora ahkete bhal te luijabole nabara huijai ase koi kena janaise.