Agencies, 01 October: Ahibole hapta I-League Qualifiers suru nahowa agae te FC Bengaluru United aro Bhawanipore FC laga ekta-ekta player ke COVID-19 nemide positive test paise.
Qualifiers toh October 8 para suru hobole ase aro etu te five teams toh round-rob in format te khelibo aro ekta ekta kelaaf lok koribo. Matches toh October 19 direk tak VYBK Stadium, Kolkata aro Kalyani Stadium te khelibole ase. FC Bengaluru United aro Bhawanipore FC ke chari kena, ARA FC, Garhwal FC aro Mohammedan SC toh tusara tinta teams ase. Tai khan I-League te sitha kushibole nemide khela thakibo.
Thursday te AIFF koise, “All India Football Federation (AIFF) toh Indian Football Association logode melikena aro competent medical authorities para ahibole Hero I-League Qualifiers nemide sob hisha loi thaka officials, players aro support staff ke hotai COVID-19 tests loi ase. Etu qualifiers toh Koklata te October 8, 2020 para suru koribole ase”.
Statement te koise, sob thek howa medical support toh teams ke deshe aro players kon positive olaise etu ke toh quarantined te medical supervision pithor te as.e Etu toh tournament nemide safety measures aro COVZID-19 protocols hisaab te ase.
Add Comment