Agencies, 02 October: Friday te Union Sports Minister Kiren Rijiju koise, ‘Fit India’ campaign toh citizens laga gao aro demak phal koribole laga aim ase. Tai koise, etu te etiya tak 10 crore opor manu khan hisha loi kena ase.
Minister para etu kotha toh specially-abled CRPF troops laga cycle rally te receive kori thaka samai te koise.
Rijiju para Central Reserve Police Force rally, Rajghat te kotha kori thaka samai te koise, “Ami para ‘Fit India’ campaign Prime Minister Narendra Modi para suru kora te shaijaise aro ami ektum kushi ase apuni ke janaidebole. 10 crore opor manu khan etu campaign te etiya tak hisha loi kena ase. Campaign toh citizens laga physical aro metal helth phal koribole laga aim para suru kora thakise.
Tai koise, ketiya uniformed forces- CRPF nesana ekta mission nahoile campaign te join hoi tai khan para besi manu ke motivate kori.
CRPF ‘divyang yoddhas’ (specially-abled warriors) laga etu cycle rally toh peace, determination aro passion laga message te loise.
Minister koise, Sports Ministry toh specially-abled sportspersons aro athletes ke facilities debo nemide nakori kena chara nai.
Tai koise, government para athletes majode alak (differentiate) nakori. Regular athlete nahoile para-athlete te discrimination nai.
Tai koise, sob sports manu khan regular Olympics nahoile para-sports hobi. Etu toh kushi laga ase tai khan desh nemide medals kamiyaab kora.
Tai koise, “Ami khan para ami khan laga ministry ke instruction deshe stadium nahoile sporting facility toh specially-abled nemide facilities nahowa tak kothom nemide namanibole.
Minister aro koise, para-athletes nemide kaam koribole khan toh ase.
Add Comment