San Francisco: October 2, 2020. Thursday din te Amazon para koishe ke, March moina para loikena tai khan laga staff manuh 19,800 oper logot Covid-19 positive tested paikena ase. E-commerce giant’s laga data hesab te, 1.37 million frontline workers logot bemari toh ase aro etu oper te United States te Whole Foods Market grocery stores te kam kora manuh khan be ase. Hoilebi, bapana kora logot toh bemari rate toh olop komti wala ase koikena Amazon para janai thishe. Etu figure janai toh hoile, konuba workers khan logistics te kam kora manuh khan para Putnam korishe ke, bemari thaka samay company para tai khan logot hosari deya nai aro etu oper te kam kora manuh kaun khan bemari hoishe, tai khan laga khobor toh janai thiya nai koishe. Amazon para 650 chaka pithor te ek din te 50,000 oper test koriase, koikena Seattle-based company para junai thishe. “etu bemari soru kora beche, ami khan parai dak kam kora manuh khan logot khobor thishe, aro tai khan thaka chaka building te be hotai notun cases olai ase,” koikena Amazon para blog post te Covid-19 bemari khobor toh frontline workers khan logot share korishe.Judi bemari rate toh Amazon aro Whole Foods workers khan toh eke ase koile toh, US laga population pithor te bemari cases toh 33,000, hoikena thakibo, company para koishe.
Add Comment