October 3, 2020. UK’s Queen Elizabeth II para Buckingham Palace aro Windsor Castle te saal phur eku events natha kiboli janaishe. Etai dak desh te COVID-19 bemari cases toh 469,764ase aro 42,358 manuh morikena ase koishe. Friday din website te Buckingham Palace para koishe ke, etai government laga hokom hesab te tangor events nathakibo, etu nemite Buckingham Palace aro Windsor Castle te saal phur eku namanibo. Bhapana ekta te manuh khan besi jama kora nemite, etu samay hosari kam toh deboli thik dari ase. Manuh khan ke sita khobor koribo koishe. “Queen laga bapana toh October moina te Windsor Castle te jabo aro Buckingham Palace toh audiences aro engagements nemite autumn programme kam soru koribo” koishe. Queen toh etai, Norfolk, Sandringham House te tai moita Duke of Edinburgh, Prince Philip logot ase, aro Windsor Castle te jolti jabole ase koikena Metro newspaper para khobor toh thishe.
Newspaper hesab te, March moina te Covid-19 lockdown junai deya beche kam ekta be thaka nai. Hoilebi, Queen para July moina te knight veteran NHS fundraiser Captain Tom Moore nemite special open-air ceremony thakishe koishe.
Add Comment