UK university te 770 students ke COVID positive paishe

October 3, 2020. United Kingdom laga Northumbria University te komti hoilebi 770 students logot coronavirus positive thurishe, aro hundred neshina manuh khan self-isolate korishe. Friday din statement te, university laga spokesman para koishe ke, 770, 78 manuh toh symptomatic ase aro bemar bokina thaka students khan toh tai khan logot close contact thakishe aro 14 din nemite government guidelines oper te self-isolating koriase, koikena BBC para khobor thishe. Hafta pithor te students khan bemari university te jaa beche bemari cases toh utha ase koishe. “ami khan students khan logot jaankari thiase ke, joti tai khan hokom toh beya korile police hath para fine lobo aro university para be fine koribo, final warning thibo nohoile university para olai thiboli be koishe. Northumbria aro Newcastle universities te have Covid response teams ase aro NHS Test and Trace, Public Health England North East teams logot melikena kam koriase, koikena spokesman paa koishe. Etai dak, UK pithor te 56 universities khan komti holilebi ekta cases toh ase. University of Sheffield te 200 cases ase aro University of Liverpool te 177 cases ase koishe.”ami khan Northumbria University logot koishe ke, health of staff, students aro  local manuh nemite civic duty raki thiboli janai thishe.