Agencies, 03 October: Saturday te, Indian Premier League match te Royal Challengers Bangalore para Rajasthan Royals ke right wickets para jetishe. Kelay koile skipper Virat Kohli para out nahoikena half-century mana nemide aro tusara teams ke warning signal potha nemide.
RR para bat nemide first juna bechide, all-rounder Mahipal Lomror (47 off 39 balls) para team nemide top score korise. Etu toh tinta sixes aro ekta four mara nemide ase.
Leg-spinner Yuzvendra Chahal toh RCB nemide ektum kamiyaab bowler thakise. Tai para four overs te ektum phal 3/24 bona thakise.
Target te kethai kena, Skipper Kohli para out nahoi kena 72 (53 balls) bonaise aro etu samai Devdutt Padikkal para 63 (45 balls) score korise. Etu nemide tai khan (RCB) toh five balls bachi kena ektum phal para jeti loise.
Hyderabad 7 runs para jetishe
Friday te Sunrisers Hyderabad (SRH) para Chennai Super Kings (CSK) ke 7 runs para jetishe.
Bat te first juna bechide, SRH toh ekta stage te 69/3 thakise . Etu bechide young Abhishek Sharma (31) aro Priyam Garg (51*) mela-meli te 164/5 score toh 20 overs te bonaise. Ketha te, CSK toh suru samai para wickets lost hoi kena suru korise. Faf du Plessis (22) toh run out howa thakise. MS Dhoni (47*) aro Ravindra Jadeja (50) para game toh deep loija thakise aro last four overs te maribole/lobole laga mode te thakise. Hoilebe CSK toh 157/5 te kothom hoise aro etu toh SRH laga total para seven runs komti ase.
Add Comment