White House: Trump nemite aha 48 gonda dhuk hobo

October 4, 2020. US President Donald Trump, kaun Covid-19 positive test paikena ase, tai ke ‘bhapana besi” ase aro aha 48 gonda pithor toh thik dari ase koishe. Trump, etai military hospital te elaj kori ase. Saturday din khobor ahishe ke, Friday pujur te tai hospital te loikena naja agae te White House te oxygen loi thakishe. Hoilebi, staff khan para koishe ke, tai logo bemar toh komti ase. Trump laga doctors khan para Walter Reed National Military Medical Center te press conference thaka samay, president laga halta oper te rosy picture painted kori thishe. Meeting samay,  Navy Commander Dr. Sean Conley aro dosura doctors khan para sawal besi hotishe thakishe koishe. Conley para President ke oxygen deya  nemite lokaishe aro tai ketai para bemar hoishe bhal kori janai deya nai. Ek jun manuh kaun para Trump laga halat jani, tai para koishe, Friday din Trump ke White House para oxygen thishe aro etu beche military hospital te loikenajaishe. Saturday din Conley para Walter Reed te president laga halta kotha kowa samay, tai koishe ke, Trump toh 24 gonda nemite fever-free ase. Aro tai para president toh etai oxygen naloina ase, tai ke sawal korishe ke, keman diin para president toh oxygen te ase hotai samay , tai eku jawab deya nai, tai koishe “Thursday din oxygen nai, jaa kali team logot thaka samay tai ke oxygen deya nai,” koikena Conley para koishe. Trump toh symptoms ase aro etu oper te cough aro nasal congestion thaka toh bhal hoiase, tai aro koishe.