BRICS table te PM Modi aro Chinese President Xi Jinping

Agencies, 05 October: Etu sal May moina Ladakh te border chamela ola bechae para Prime Minister Narendra Modi aro Chinese President Xi Jinpong toh first time BRICS summit meeting via virtual mode para lobole laga te kotha kora thakibo pari. Etu BRICS meet toh November 17 direk te lobole ase. Russia toh aji kali BICS chair te ase aro tai khan para Monday din Brazil, Russia,  India, China, South Africa laga BRICS Summit toh via video conference para lobole janaishe.

Modi aro XI toh last choi sal pithor te komti hoilebe 18-par lok korikena ase aro border chamela bechae para tai jun ekta ekta logode kotha nakorikena nahoile lok napai kena ase.

Sources koise, November 17 agae te tuita leaders majode meeting nahoile phone call nemide scheduled toh naiu hoilebe kotha toh eki-par nakoribole laga toh nahobo pari.

Tai khan last platform share kora toh March 26 te thakise. Etu toh Saudi Arabia para COVID-19 pandemic nemide G-20 leaders laga extraordinary virtual gathering lowa samai te thakise.

Modi aro XI be G-20 platform toh via video conference para November 21-22 te share koribole tusara opai powa thakibo. Annual G-20 summit toh BRICS summit bechae jar din te lobo.

Sources koise, BRICS summit schedule kora para tuita desh majode chamela theka thek koribo nemide opai powa thakibo pari. 

Oct.12 te Corps Commanders level talks lobo

India aro China para 7th round laga Corps Commanders level talks toh October 12 te lobo. Etu time te line of actual control (LAC), Eastern Ladakh te tai khan laga sepai thaki thaka toh hatabole opor te kotha koribo.

Etu winters samai high altitude mountains te tai khan laga sepai toh rakhi thakibole ase. Aro etu nemide daiyar korikena ase. Tati dhanda mousom samai te temperatures toh minus zero degrees te namae aro ektum gara hawa mara para thakibole dekthari powa thakae.

14 Corps Commander Lt Gen Harinder Singh pithor te etu meeting toh last meeting hobole ase kelay koile tai etu moina bechide ek sal laga tenure kothom howa nemide Commandant of the Indian Military Academy (IMA) nemide charge lobole howa karni.

Lt Gen PGK Menon toh notun 14 Corps Commander hobole ase aro tai be October 12 direk laga meeting te hisha lowa thakibo.

Last Corps Commanders meeting te tuita side para be frontline te besi sepai pothai thaka toh rokhabole aro ground te situation putli nakoribole aro situation beya nahobole eku action nalobole mana thakise.