Thiruvananthapuram: Kerala’s Thiruvananthapuram laga famous famous Padmanabhaswamy Temple toh 12 staff members, khan etu te 10 priest khan coronavirus test luwa toh positive paa nimete October 15 tak bondh kurishe.
Padmanabhaswamy Temple’s Executive Officer Ratheeshan IAS koishe “Hudai laga pujas toh tantr para kuribo hoilebi darshan toh nathakibo.”aro koishe ki tantric toh khali special ceremonies khan kuri thakishe hoilebi tai toh etia ahibo kile koile etu duita chief priest toh covid19 olaishe.
Mr Ratheeshan koikena janaishe ki;”etu decision toh luwa toh duita chief priest eight sub priest aro duita guards khanPadmanabhaswamy temple coronavirus positive test paa pichede hoishe tai khan sob asymptomatic ase.”
Etu Padmanabhaswamy Temple para devotees khan nimete darwaza khulishe august 26 para etu te kunba restrictions khan thakikena etu bi public khan nimete march moina laga last week phaneh bondh hoijai pichede.
Etu ekla hi nohoikena masks lagabole haath sapha kuribole aro social distancing khan temple te devotees laga number toh komti kurshe aro time slots dishe morning aro saam te .devotees khan ke idol chubole dianai walls aro dusra surface khan te.
Etu olop din nimete bondh kur toh coronviurs cases utha nimete ase kerala te kuntu te 2.58 lakh manu khan infect hoishe aro 930 manu murishe.
Etu utha para bishi wala restriction olaishe bera aro jamaa kura te. Thiruvananthapuram te bishi jaamaa kura toh October 31 tak bondh ase.
India te etia komti hoilebi sob milaikena 69 lakh coronavirus cases ase. Health Ministry koishe ki Tin haafta para desh te recoveries laga number toh nutun cases para paar kurishe kuntu toh namishe asti para. Hoilebi health experts khan para uthabole laga kotha kurishe desh lag a kunba jaka te festive season aro winter months shuru nohoi akhe te.
Add Comment