China laga 60,000 sepia India border te ase

October 10, 2020. India laga northern border te China para 60,000 oper sepia rakikena ase, koikena US Secretary of State Mike Pompeo para janai thishe. Tuesday din te Indo-Pacific nations, QUAD group koikena- US, Japan, India aro Australia laga foreign ministers khan Tokyo te kotha koishe, coronavirus bemari thaka beche first ase koihse. Meeting toh Indo-China eastern Ladakh te Line of Actual Control (LAC) te  jamila thaka oper te kotha korishe. “India para northern border te 60,000 Chinese sepia khan ke thiki ase”, koikena Pompeo para Guy Benson Show te interview thaka samay koishe. “ami India laga counterparts foreign minister Australia aro Japan logot thakishe- QUAD koikena, charta tangor democracies, tangor economies, charta desh para risk toh thiki ase aro etu Chinese Communist Party para ase. Aro tai khan para nejor laga desh te be thiki ase” tai koishe.  Pompeo para External Affairs Minister S Jaishankar logot Tokyo te lok korishe, aro etu samay tai khan Indo-Pacific aro Duniyaa sob te peace, prosperity and security nemite melikena kam koriboli koishe. Tai koishe ke, Jaishankar logot kotha kowa toh “kam laga thakishe” koishe. “besi saal para West khan para Chinese Communist Party logot kushi koriboli dey ase. Purana administration para jarishe, aro tai khan para China ke ami khan laga bapana be chor koriboli dishe aro millions kam te be eneka ase” tai koishe.