Agencies, 10 October: Sunday din Prime Minister Narendra Modi para ‘SVAMITVA’ scheme pithor property cards deya toh via video conferencing para suru koribole ase.
Union government para statement te koise, “Suru kora para one lakh olob naponjikena property holdes khan property cards download koribole paribo. Etu toh tai khan laga mobile phones te MSM link deya para. Etu bechide respective state government para physically property cards deya toh suru koribo.
Six states laga 763 villages te beneficiaries khan: Uttar Pradesh para 346 beneficiaries, Haryana para 100, Madhya Pradesh para 44, Utarkhand para 50 aro tuita beneficiaries Karnataka para ase. Maharashtra ke chari kena etu states laga sob beneficiaries ke property cards laga physical copies toh ek din pithor te pabo. Hoilebe Maharashtra ke property card laga nominal cost recover koribole nemide system ase. Etu para ek moina samai lobo.
Government toh etu move nemide bosti manu khan property card jolai kena loans aro tusara financial laab karni motob pabole biswas kori ase. Etu toh first time ase millions rural property malik ke laab pabo nemide enaka dangor exercise te modern technology melikena ola.
Prime Minister Modi para be event samai konbah beneficiaries ke kotha kora thakibole ase. Union Minister for Panchayati Raj aro Rural Development Narendra Singh Tomar be thakibo.
SVAMITVA toh Ministry of Panchayati Raj and Rural Development laga Central scheme ase. Etu toh PM MOdi para etu sal April moina National Panchayati Raj Day saman samai te suru kora ase. Scheme toh rural areas te village household owners ke ‘record of rights’ debole aim ase aro tai khan ke property cards debole.
Scheme toh desh te jar sal laga samai 2020-2024 tak nemide phal para bonabo aro 6.62 lakh villages nesana cover koribo. Uttar Pradesh, Haryana, Maharashtra, Madhya Pradesh, Uttarakhand aro Karnataka laga one lakh olob napojikena villages aro Punjab aro Rajasthan laga olob border villages toh pilot phase (2020-21) te cover koribo.
Add Comment