October 11,2020: Central Bureau of Investigation (CBI) khan para 19-year-old Dalit maiki laga alleged gang rape aro assault hathras Uttar Pradesh te huwa te chan bin kuri ase.
Etu investigation agency para fir register kurishe etu hadsaa te kuntu toh September 14 2020 te hoishe.
Media reports te kuwa hisaab te etu agency para ekta team olaishe alag alag leads khan sabole nimete. Indian Penal Code laga Section 302 (murder) toh shuru kurishe.
Etu case toh Chandpa police station Hathras te register kurikena thakishe. Etu victim laga bhai koishe September 14 te accused sandep para tai laga bhuini ke gola dabole kosish kurishe kheti te.
Etu victim kun ke akhe te Aligarh laga hospital te admit kura toh Safdarjung Hospital Delhi September 29 te murishe.
Statement September 22 te record kura hisaab te etu victim kuntu toh ekta dalit family para ase koishe ki tai ke gang rape kurikena charta upper caste manu para assault kurishe.
Police para sob accused etu te Ramu, Lavkush and Ravi ke thurishe.
CBI para etu case toh sai ase etu bi Uttar Pradesh government para agency ke etu sabole nimete janaishe aro ekta notification central government para ola ishe etu nimete.
Victim ke Hathras police para September 30 te mati te halishe etu maiki laga ghor manu khan nathakikena.
Etu hadsaa para political chamela olaishe desh te etu para opposition parties aro organisation khan protest kurishe insaaf mangikena.
Add Comment