Brazil te Covid para 150,500 manuh morikena ase

Rio de Janeiro: October 12, 2020. Brazil para koishe ke, Covid-19 para manuh aro 290 morishe, etu melaikena desh te 150,488 manuh morikena ase. Desh laga health ministry para Sunday din te koishe, 24 gonda pithor te notun bemari cases toh 12,345 paishe. Sob melaikena coronavirus bemari cases toh 5,094,982 ase, koikena Xinhua news agency para janai thishe. Saturday din dak te Brazil te Covid-19 bemar para manuh mora toh 150,000 oper hoishe, etu nemite duniyaa te United States beche Brazil toh manuh mora te second besi wala koikena ase koishe. Latin American desh toh duniyaa te Covid-19 bemari cases te third besi hoikena ase. Brazil laga oper te Unite States aro India ase. State of Sao Paulo toh desh pithor te sobse manuh besi thaka chaka ase aro bemari laga epicenter ase. Etu chaka te bemari cases toh 1,037,660 cases ase aro manuh morikena thaka toh 37,256 hoikena ase, etu beche Rio de Janeiro te 283,675 cases aro 19,308 manuh morina ase. Brazil te olop hafta agae te hotai bemar cases aro manuh mora toh olop komti hoikena ase koishe.