NEW DELHI: Union Education Minister Ramesh Pokhriyal ‘Nishank’ para Monday te koikena janaishe NEET medical entrance exam laga result toh October 16 te olabole ase.
Students kun khan dibole paranai covid19 infection nimete containment zone restriction nimete chance ekta pabo October 14 te exam dibole nimete.
Nishank para tweet te koikena janaishe ki “DG_NTA khan para NEETUG 2020 result toh16th October 2020 te olabole ase.aro etu result laga timing toh pichede dibo. Ami para etu candidates khan ke best of luck wish kuri ase.”
National Eligibility cum Entrance Test toh September 13 te loishe etu bi COVID-19 pandemic laga strict restriction nimete.
Etu sal para MBBS course laga admission toh etu 13 All India Institute of Medical Sciences, Jawaharlal Institute of Postgraduate Medical Education and Research, Puducherry toh NEET para kuribo etu bi National Medical Commission Act, 2019, parliament para juwa sal amendment ola pichede.
Etu test toh 11 languages – English, Hindi, Assamese, Bengali, Gujarati, Kannada, Marathi, Odia, Tamil, Telugu and Urdu te kurishe etu sal te . aro report hisaab te komti hoilebi 77 per cent aspirants khan etu test english te loishe aro komti hoilebi 12 percent nisena hindi te aro 11 percent dusra languages te thakishe.
Etu exams khan toh akhe te duibar wala akhe kurishe pandemic nimete aro government khan manise etu lobole nimete section khan para khilaaf kura pichede etu bi academic naharaidibole nimete.
National testing agency para strict standard operating procedures khan kurishe pandemic nimete etu te measures khan candidates per room komti kurishe akhe te 24 thaka toh 12 kurishe.
NTA toh exam centres laga number uthaishe 2,546 2019 para to 3,862 etu sal te uthaishe etu bi crowd management thik thak thakibole nimete aro staggered entry aro exit protocols nimete. engineering entrance (JEE), NEET-UG nishena nohoikena medical admission test, toh pen paper test ase ek sal te ekbar luwa toh.
Etu hisaab te NTA para centres khan bodli kurishe kunba candidates khan nimete etu haafta social distance norms aro covid restriction khan thakikena.bishi wala jaka te nTA khan para buses aro private gaari khan arrange kurishe etu candidates kunkhan centres te punchise tai khan nimete bodli huwa toh nohoikena arrange kurishe.
Aro etu uporte sob candidates khan ke etu exams centres te masks aro sanitizers logote jabole koishe tai khan centre te ekbar ghussa pichede.tai khan ke three ply maks chulabole nimete examination authority para diya te.
NEET-UG toh May 3 te lobole thaka ase hoilebi July 26 te luijaishe a ro etu pichede September 13 te loishe.
Add Comment