October 12,2020: Assam government para ahibole thaka Durga puja celebrartion nimete Covid-19 situation karne guidelines khan dishe.
Assam health minister Himanta Biswa Sarma para Tuesday Guwahati Tuesday din te koishe ki government khan para ekta bi ban kuranai puja laga celebration nimete hoilebi organisers khan diya portocols khan follow kuribole lageh.
Sarma para koishe puja committee khan permission lobole lageh respective deputy commissioner para puja celebration nimete.
Minister koishe “puja committee khan etu puja toh open pandals te lobole lageh aro ekta bi cultural events khan nathakibo.comeptitions khan puja te nathakibo.”
Tai koikena janaishe ki puja committee laga members aro priest khan COVID-19 test Panchami te lobole lagibo.
Sarma koikena janaishe ki Etu committee members khan second test kuribole lageh idol immersion dhala pichede.
Tai koikena janaishe ki “Komti hoilebi 50 manu para uporte puja pandal te thakibole nadibo etu samay te.etu committee para sabole lageh etu pilgrims khan etu pandal toh thik para haath sapha kurikena kuribole lageh.”
Etu minister koikena janaishe ki maiki khan charikena dusra pillor riders khan ke durga puja ke kuribole nadibo.
Etu puja committees khan sabole lageh ki pandals te duita gates-entry aro exit thakibole lageh.
Etu immersion procession toh restricted thakibole lageh.tai para aro bi koishe etu organisers khan para dusra manu khan ke puja premises te ghussibole nadibole lageh face masks nohoile toh haath dhulaikena.
Etu toh Puja organisers khan laga kaam ase etu hand washing/sanitization puja premises laga ghussa samay te arrange kuribole nimete.
Add Comment