Chinese City Qingdao te 3.08 Million test loishe

Beijing, China: October 13, 2020. Chinese port city Qingdao, te coronavirus bemar olop thura nemite, ek din laga kotha pithor te 3 million oper manuh khan logot test loishe koishe. Monday rati eastern city te manuh khan line korikena testing loboli thakishe, jaa kali choita(6) virus cases thura nemite ka, soru korishe. Qingdao laga health workers khan hosari kapra lakaikena, tents pithor te osor chaka para aha manuh logot samples loishe, etu oper te chotu bacha khan be ghor manuh para loikena test loishe. Etu chaka laga manuh khan para social media te koishe ke, community khan para testing loboli nemite khobor paishe, aro local district para sample uthabole te motob korishe. “8 am..neshina te ami khan laga city te, nucleic testing toh 3.08 million samples loishe, aro 1.11 million laga results toh paishe,”koikena Qingdao laga health commission para Tuesday din te statement te janai thishe. Etu oper te choi(6) jun bemar laga sign thurishe aro choi(6) jun ke asymptomatic cases etai dak te paikena ase koishe. City para kowa toh, desh sob te 9.4 million manuh thaka khan logot test koriboli bapana te ase. Sunday din te first cases toh hospital para thurishe koishe. Etu samay keman jolti para result toh bapoli ase, eku khobor thaka nai, hoilebi China logot jolti para test loboli samam ase, keli koile boila te be korikena ase. China laga ruling Communist Party para tai khan laga manuh logot bemari toh rokaboli parai toh thikaboli mon ase, aro dosura desh manuh logot be, bemar toh central city te first ola beche. Jaa saal, virus ola nemite China ke beche mari thishe, etu para lockdown uthabole olaishe, aro Duniyaa laga second tangor economy toh tangor kerishe. China khan para Duniyaa te coronavirus vaccine toh first olaboli mon te ase, aro etu oper te alag-alag besi companies khan vaccine bana toh kotom hoboli stage te hoiase koishe.