Johnson & Johnson, bemar nemite COVID vaccine trial rokaishe,

October 13, 2020. Monday din, Johnson & Johnson para koishe ke, Covid-19 vaccine trial loi thaka toh, tai khan laga manuh logot ajanak bemari hoikena ek paar nemite rokai-kena ase. “ami khan tawai loi thaka toh, Covid-19 vaccine candidate clinical trials aro Phase 3 ENSEMBLE trial toh, study kora manuh logot koboli naparia bemar howa nemite rokaishe, koikena company para statement te janai thishe. Olop agae te health-care news STAT para kowa study toh roki-kena ase khobor toh New Brunswick aro New Jersey company laga kobor lowa manuh, Jake Sargent para junaise. Kaun manuh logot bemar toh hoishem tai logot independent data aro safety monitoring board aro etu oper te company laga clinical aro safety physicians khan para saboli ase koikena company para statement te koishe. Johnson & Johnson Covid vaccine roki-kena ase kowa khobor toh AstraZeneca Plc khan para bemari ola nemite ek paar nemite vaccine tests loi thaka toh rokishe. Hoilebi, etu beche dosura desh khan para study soru korishe, United States ekla rokishe. Johnson & Johnson khan para Phase 3 trial samay September moina para manuh ke thali ase koishe. Company khan para 60,000 volunteers logot toh tawai deya soru hoishe, aro etu Covid-19 nemite sobse tangor trail ase ke tawai toh loi ase. vaccine trial roka ase mani, online para manuh thali thaka toh 60,000 manuh clinical trial bondh korishe, aro etu samay independent patient safety committee logot matishe.