Europe laga cases otha te bapana: WHO

Copenhagen, Denmark: October 15, 2020. Europe te Covid-19 cases besi otha nemite ‘tangor bapana”hoilebi etai laga situation toh April moina te otha logot be bhal wala ase, koikena Thursday din World Health Organization laga regional office para junai thishe. “hotai bemari cases othiase, hospital admissions purta hoiase,” Europe  laga WHO’s regional director Hans Kluge para press conference samay janaishe. “Covid para manuh mora toh etai 5 wala ase aro ek din pithor te 1,000 oper manuh mora toh pongchise”.  Hoilebi, tai koishe ke, “ami khan” March aro April moina te situation lok kora neshina nahoi. “ketaiba, 2 din nohoile 3 din neshina April moina te manuh mora neshina lok paishe, aro ami khan para thika toh 5 paar para komti manuh mora ase. Aro hospital te manuh admission kora toh 2 paar nohoile 3 paar lamba wala ase,” koikena Kluge para koishe. Tai koishe, cases otha toh jawan khan logot testing kora besi othaina saboli lage. Aro manuh mora komti hoi thaka toh jawan khan logot pheli ase, etu komti bemar lakiboli group khan ase. Hoilebi, Kluge para aro koishe ke, jodi virus nemite hosari kam kori thaka toh rokile toh, hesab te January moina laga projections te April moina te recorded korikena thaka logot be 4 paar nahoile 5 paar neshina hobo. Dosura kotha ekta te, “asani hesab te”, jodi mask joboli kam toh pheli thile aro social gatherings toh strict control korile February moina dak te 280,000 manuh laga jaan pachibo. Etu samay, Kluge para aro koishe ke, etai hoshari kam koriboli samay hoishe”, aro etu kam toh asti para bhal te koriboli lage koishe. Tai koishe, choi(6) moina agae te “lockdown” kowa toh – bondh thakishe, “ami khan laga society aro economy kenar sob rokaina thakishe”- hoboli thaka neshina howa nai. Kluge para government logot koishe ke, “huro kam khan toh narokaboli lage, keli koile etu heke kam laga dhuk toh hatabole nemite”. Manuh khan besi logot nokson hoishe, koikena  Kluge  aro koishe.  Duniyaa pura te fesla kora samay, “mental health” aro “domestic violence” nemite be saboli lage, koishe. Kluge aro koishe, desh para sob kam te “schools kuliboli takot,” aro policies neshina- “bacha khan ke risk loikena lesson thiboli aro health nemite” kam koriboli lage”. WHO, Europe te 53 desh ase aro etu oper te Russia aro Central Asia aro dosura desh melaikena Coronavirus bemari cases toh 7.25 million oper hoishe aro etu pithor te 250,000 manuh morikena ase koishe.