Quetta, Pakistan: October 16, 2020. Thursday din te Pakistani paramilitary escort te bantok aro rocket para hamal kora te 7 jun sepia aro 7 jun private security guards morishe. Etu kamla kora chaka toh southwestern Pakistan te thakishe, koikena officials para junai thishe. Security khan para Oil and Gas Development Company Limited (OGDCL) laga convoy escort loikena southern city Karachi para port town Gawadar, Balochistan province te jai thaka samay thakishe koishe. Pakistani military public relations wing para koishe ke, OGDCL manuh khan toh etu hamla para bolaboli parishe, hoilebi, 14 security manuh khan toh hamla te morishe koishe. Etu chaka osor toh bondh korikena hamla kora manuh ke besara soruh korishe, military para khobor toh koishe. Etu hamla kora toh melekina thaka organization ekta Baloch terrorist groups khan para social media te hamla kora nam loishe. Hoilebi, ke nemite hamla korishe etu khobor toh Reuters para koboli paranai. Etu hamla toh Pakistan te 24 gonda pithor te 2 paar wala tangor hamla kora ase koishe. 6 sepai pithor te 1 officer be morishe. Wednesday din desh laga northwest purana tribal chaka te alaj-alaj hamla te mora ase. Afghan border osor Razmak, North Wazirstan te tuita(2) bomb para military manuh logot toh hamla kora ase, koikena military public relations wing para koishe. Etu hamla toh Tehreek-e-Taliban Pakistan (TTP) para ase koikena junaishe. Etu khan toh group ekta Islamist terrorist koina, tai khan para Pakistani state aro security forces kelaaf te larai kori thaki. Purana tribal chaka te, 2014 saal te Pakistan military para operations kora samay etu groups khan toh alag-alag group hoikena jaishe koishe. Etu samay, etu saal tuita(2) groups khan TTP te samil hoishe, aro tai khan melikena security forces khan logot hamla besi koriase. March moina para loikena, komti hoilebi, 49 Pakistani sepia khan morikena ase, etu khobor toh Reuters laga official hesab para kowa ase.
Add Comment