France te 24 gonda pithor 30,000 notun cases paishe

Paris: October 16, 2020. France te 24 gonda pithor te 30,000 oper manuh khan logot coronavirus positive tested paishe koishe, etu first time ase koikena, Thursday din te official data para janai thishe. France laga public health agency para koishe ke, 24 gonda pithor te sob melaikena 30,621 Covid-19 cases paishe khobor hoishe, ek din pithor laga record ase koishe. Novel coronavirus bemaro para kaun manuh 24 gonda pithor te mora khan toh 88 jun thakishe, etu melaikena France te bemari soru hoikena 33,125 manuh mroikena ase, koikena agency para janaishe. Positivity rate koikena- kaun manuh tested korikena bemari thaka toh sob melaikena, Thursday din te 12.6 percent othishe aro Wednesday din te 12.2 percent thakishe koishe. Wednesday din te President Emmanuel Macron para Paris aro  dosura 8 cities te Covid-19 pheli thaka toh rokaboli nemite curfew hokom junaishe. Hotai din bemari cases otha nemite ase. Aji para olop din hoishe ke, manuh khan intensive care unite (ICU) te admitted kori thaka toh besi hoiase. Monday din te 171 notun bemar manuh ahishe, Tuesday din te 226 manuh thakishe, Wednesday din te 193 aro Thursday din te 219 manuh admitted hoishe, koikena data para janaishe. Hotai din hospital te admitted kora toh 1,741, 77 hoikena ase. Health minister Olivier Veran para koishe ke, etai dak France te 5,800bena toh intensive care wards te ase. April moina para bemari utha beche, coronavirus bemar manuh toh 7,000 neshina intensive care te ase. July moina te olop lamishe, hoilebi etai aro othiase koishe.