India aro Bhutan trade melikena thakibo

October 16, 2020. Tangor kotha ekta te, Thursday din India aro Bhutan trade nemite import aro export saman te melikena thakiboli fesla korishe. Union agriculture ministry laga office para koishe ke, etu tangor fesla korikena paa toh India aro Bhutan trade pithor te melikena kam koriboli registered hoishe koishe. National Plant Protection Organization (NPPO), Union ministry of agriculture aro farmers welfare, Bhutan Agriculture aro Food Regulatory Authority (BAFRA), Ministry of Agriculture aro Forests, Royal Government of Bhutan aro Embassy of India, Bhutan te meeting thakina, market te apple, potato, mandarin, ginger aro Arecanut toh Bhutan para India te botabo aro tomato, onion aro okra toh India para Buthan te botabo,” koikena officials khan para janai thishe. Agae din te be, India aro Bhutan pithor te mel-melab toh besi tangor thakishe ke New Delhi para Bhutan logode Covid-19 bemari samay larai koriboli saman sob dishe. Prime Minister Narendra Modi para telephone te Bhutan king Jigme Khesar Namgyel Wangchuck logote tai laga situation nemite kotha korishe koishe. Prime Minister Modi para aro Himalayan ke COVID-19 bemari samay bhal para hosari kam kora nemite kushi junaise aro King logot aro koishe ke, India toh Bhutan ke support thibo tayar te ase.