October 20,2020: Meghalaya government para Covid care te COVID-19 patients khan ke free food diya para hataidishe kile koile toh government khan logote fund nai etu service chalu kuribole nimete.
East Khasi Hills district administration para Monday te khobor dishe ki corona care centres laga food toh etia para poisa lobo.
Deputy Commissioner Isawanda Laloo para khobor dishe ekta patient toh ekta corona care centres (CCC) te Rs 380 per day charge kuribo.
Notification te koikena janaishe ki”Manu khan positive test paa toh aro CCC te bui thaka toh East Khasi Hills district, te etia para Rs 380 per day hisaab te charge kuribo food nimete.”
State capital te CCC toh Indian Institute of Management building, Umsawli, Moreau Institute of Integral Training, TB Hospital, Umsawli, Meghalaya Administrative Training Institute and National Institute of Fashion Technology, Mawdiangdiang te ase.
Laloo para koikena janaishe ki food prices toh etu centre te Covid Response Task Force para bonaishe.
Hoilebi ekta patient below poverty line (BPL) category te thaka toh food nohoile test nimete charge nakuribo.”
Laloo koikena janaishe ki”enika manu khan tai khan laga Yellow (Antyodaya Anna Yojana) or Pink (Priority Household) National Food Security Act dikhabole lageh.”
Hoilebi district administration khan para ghor laga food nimete bi option dikena ase.tai aro bi koikena janaishe ki patients kun khan ghor laga food khabole mun ase CCC te etu toh ghor manu khan ke koikena etu food toh pabole paribo.”
Hoilebi etu option toh etu diya samay te khobor dibole lageh.notification te aro bi koikena janaishe ki”ekta corona care centre te ekta designated staff thakibo manu khan admit thaka aro ghor manu khan aro catering partner logote judi chamela khan olaishe koile toh arrangement nimete.
Dusra cosumables khan etu te toiletries toh CCC te charge kuribo hoilebi aro bi patients khan logote option thakibo “toiletries, essentials” anibole paribo admission samay te nohoile toh ghor manu para punchaidibole paribo.
Add Comment