Israel para vaccine ‘Brilife’ human trials soru

October 20, 2020. Israel laga COVID-19 caccine candidate nam toh ‘Brilife’ ase aro tai khan human trials kam toh October moina kotom samay soru koribo, koikena officials press release hesab te janai thishe. Etu vaccine toh Israel Institute of Biological Research (IIBR) para bonai ase aro etu Israel Defence Forces’ Science Corps nemite 1952 saal te olaishe, olop din bechete civilian organization hoishe. August moina te Israel para koishe ke, tai khan logot boila para coronavirus laga vaccine ase, hoilebi etu bhal para kam korikena saboli lage kam ase aro autumn holidays samay human trials koriboli koishe. Monday din Defence Minister Benny Gantz para IIBR visit korina koishe ke, human trials soru koriboli toh “besi important samay” ase aro “national pride” lage, keli koile Israel aro dosura desh nemite etu para tangor khobor bhal anibo. Gantz para vaccine bonaboli aro etu samay ke kam ase etu khan sob laga details toh janai thishe. “ami khan etai besi tangor samay te ase”. Staff manuh khan para besi bhal kam korishe… jodu etu kamyaab hoile, state of Israel aro duniyaa laga desh sob logot besi tangor khobor hobo. Ami sob researchers staff aro IIBR laga administrators khan logot dhanyabad thiase ke, tui khan national pride,” ase koikena defence minister para janaishe. IIBR Director Shmuel Shapira para ministers visit samay vaccine nam toh thishe. “Brilife” nam toh melikena Hebrew word “Bri” (health) aro “il” toh (Israel laga country code) aro “life”. “ami khan February 2 darik para soru hoikena 9 moina hoishe, aro etai ami khan October moina kotom samay final round jaboli ase. Ami khan minister of defence para motob kora nemite dhanyabad thiase aro ami khan Israel manuh khan laga health nemite narokina kam koribo aro etu oper te Israel laga economy aro society” nemite, koikena Shapira para koishe. IIBR toh Prime Minister’s Office pithor para sai ase, hoilebi kam toh defence ministry laga osor para kori ase. Prime Minister Benjamin Netanyahu para February moina te institute khan logot COVID-19 bema nemite vaccine bonaboli koikena thakishe koishe.