US te Police Officer morishe aro 1 jun jokom

Houston: October 21, 2020. Tuesday din te, 41 umer Houston police ekta ke bantok para mata te besi paar mara beche morishe aro dosura officer logot be gooli lagikena hospital te elaj koriase, koikena city police laga chief para janai thishe.  Police Chief Art Acevedo para koishe ke, 51 umer Hispanic manuh para gooli toh jolaishe. Southwest Houston te ghor ekta te jamila thaka nemite police logot matishe. Etu samay Officer Courtney Waller jokom paishe aro Sergeant Harold Preston gooli para morishe. Waller toh kam te 3 saal wala ase aro Preston, 65 umer toh city te 41 saal kam kori thakishe, koikena Acevedo para janai thishe.“gopal beya as eke tai laga jokom para pachai nai. Tai k eek paar para besi mati te marishe aro hath te be lagikena komor para gooli toh olaishe”. Acevedo para Preston mora chaka osor Memorial Hermann Hospital bahar te khobor toh janaishe. Waller toh hath te gooli para lagishe aro etai bhal te ase aro etu samai te Manzano laga stomach para gooli olaikena tai bachibo neshina ase, etu khobor toh Acevedo para koishe. Manzano laga 14 umer bacha ke be larai samai gooli lagishe, hoilebi bhal hobo neshina ase, koikena Acevedo aro koishe. Officers khan building te maiki ek jun ke motob koriboli ahishe, tai para kowa toh etu ghor te tai laga saman loboli jaa samai mota para loboli mana korishe. Etu nemite 14 umer bacha logot ghor bahar te thakishe. Ketai bacha para ghor doorja toh kolishe, tai officers khan ke Manzano hath te bantok ase koishe aro Manzano para officers khan ke gooli mara-mari korishe, Acevedo para koishe. Ek gonda neshina thaka beche Manzano surrender korishe. “ami khan laga mon toh Houston Police Sgt. Harold Preston laga family logot ase, aji pujur duty kora samai morishe,” koikena Texas Governor Greg Abbott para Twitter te junaishe.