Amazon employees June 2021 dak ghor te kam koribo

October 21, 2020. E-commerce company Amazon para fesla kora te tai khan laga kam kora manuh khan ke June 2021 saal dak ghor para kam koribo thibo. Office te ahiboli din aro lamba kori thishe, etu COVID-19 bemari thaka nemite ase koishe. “kaun khan ghor para kam kori ase, tai khan ke June 30, 2021 saal dak kam kori thakibo,” koikena  Amazon spokeswoman para Reuters laga emailed laga khobor toh janaishe. Aro etu duniyaa pura te hoboli koishe. “We have invested significant funds and resources to keep those who choose to come to the office safe through physical distancing, deep cleaning, temperature checks, and by providing face coverings and hand sanitier,” the Amazon spokeswoman said. Etu moina olop din agae te, e-commerce giant para koishe ke, tai khan laga kam kora manuh 19,800 neshina ke coronavirus positive test paikena ase. Etu khobor toh tai khan laga konuba kam kora manuh para company para bemari samai bhal para nesai koikena botnam kora beche Amazon para junaishe, atu oper te kaun khan logot bemari toh paishe etu khobor be junaboli monjur thaka nai koishe. Etu saal may moina te, Twitter toh first tangor tech company hoishe ke kam kora manuh logot alag-alag thur chaka para kam koriboli thishe. Company para aro tai khan laga kam kora manuh khan ke business nahoile nejor kam nemite peraboli 2021 saal dak bondh kori thishe. Aro company para kam kora khan ke office kam nemite ghor te table aro chair keniboli be poisa be thishe koishe.