Taliban para 25 Afghan Security moria dishe

Kunduz, Afghanistan: October 21, 2020.  Desh laga northeast chaka te Afghan security sepia khan ke hamla korikena komti hoilebi 25 jun morishe. Etu hamla toh Taliban ke botnam thishe, koikena Wednesday din officials para koishe. “larai kora toh eta be jaishe aro Taliban manuh khan be besi bea para morishe nohoile jokom paishe”, koikena khobor toh governor of  Takhar province laga khobor kora manuh Jawad Hejri para AFP logot janai thishe. Takhar provincial health director Abdul Qayoum para kowa toh 34 security manuh morishe aro etu pithor te province laga deputy police chief be samil thakishe. “security manuh khan toh district te operation nemite jai thaka samay, Taliban khan para hamla korishe”, koikena Hejri para koishe. “Taliban laga manuh khan toh etu chaka osor ghor te tayar korikena thakishe. Tai khan para ami khan laga sepia logot operation jai thaka te hamla korishe”. Etai dak te, Taliban khan para hamla kora te nam naloinaa ase. Qatar te Government aro pithor manuh khan pithor te shanty thakiboli kotha kora samai Afghanistan laga desh pura te larai koriase koishe.