Karachi Pakistan: October 21, 2020. Wednesday din te, Karachi Gulshan-i-Iqbal chaka osor Maskan Chowrangi te blast hoikena tin(3) jun manuh morishe aro 15 jun jokom paishe, koikena Edhi Foundation laga officials khan para janai thishe. Jokom kora manuh sob toh Patel hospital te loikena jaishe, officials para kowa, Dawn para khobor thishe. Etu blast toh kenika hoishe khobor loi ase koishe. Hoilebi, Mubina Town laga police SHO para koishe ke, “cylinder blast kora neshina ase”, aro etu samai bomb disposal squad khan be khobor loboli ahiase koishe.
Etu blast suspect kora toh building laga second floor para thakishe. Manuh khan soku para thika hesab te buildings laga windows aro osor te thaka gari khan be beya hoishe koishe. Ek din agae te Sheerin Jinnah Colony osor bus station te bomb blast koikena 5 jun manuh jokom paishe koikena khobor thakishe.
Add Comment