October 22,2020: Lakhimpur district administration para Wednesday te guidelines khan olaishe etu bi durga puja celebration nimete etu bi COVID-19 protocols toh saikena.
Etu khobor toh press meet te janaishe .etu press meet toh Deputy Commissioner North Lakhimpur laga office te loishe.
Lakhimpur Deputy Commissioner Jeevan B para media ke kotha kura samay te koikena janaishe ki district administration khan laga tayari durga puja celebration nimete district te kotha kurishe.
Tai koikena janaishe ki etu samay toh etu te khali puja hi thakibo aro festivities khan nathakibo etu te khali 33 puja mandaps thakibo.
DC para aro bi khobor te janaishe ki etu te 25 puja mandaps North Lakhimpur te thakibo aro charta charta Bihpuria aro Narayanpur para ase.
Puja committee laga members khan ke district administration para train kurishe etu COVID-19 protocol toh manibole nimete etu bi puja laga mandaps bithor te.
Khali 20 devotees aro 10 puja committee members khan ke puja mandap bithor te ghussibo ekta samay te dibo aro masks nalagaikena ghussibole nadibo.
District administration khan para aro bi random Covid tests puja mandaps te lobo etu celebration samay te.
Deputy Commissioner para aro bi khobor dishe ki alag alag prohibitory measures khan olaishe district te durga puja samay te Section 144 CrPC bithor te.
Manu khan para firearms, lethal weapon khan thura toh permission noloikena aro crackers ar music chula toh 10 pm pichede bondh ase puja celebration te district te.
Immersion din te district administration khan para khali paanchta volunteer ke allow kuribo bhaagh lobole nimete etu diya samay te.
DC para aro bi khobor dishe ki district laga COVID-19 situation toh bhal hoishe etu te 78 positive current cases hi ase.
Tai aro bi koikena janaishe ki dawoi,oxygen aro bisna khan bishi ase district te etu te paanchta extra ambulance ase district laga five Covid care centres nimete.
Lakhimpur Police para aro bi manu khan ke koikena janaishe district authority logote milibole nimete puja samay te face masks lagaikena aro social distance thakikena.
district administration para koikena janaishe ki Manu khan face masks laga nai koile toh Rs 1000 fine mangibo Puja samay te.
Add Comment