Brazil te Oxford volunteer morishe

October 22, 2020. Brazil te coronavirus vaccine AstraZeneca laga volunteer clinical trial samai morishe. Organisers para kowa toh, Oxford University para ola aro AstraZeneca para bonai thaka vaccine candidate trial toh jai thakibo. Brazilian health agency, Anvisa para koishe ke, Monday din te morishe hoilebi, International Evaluation and Security Committee para saa beche trial toh jai thakiboli koishe. Sign ekta para kowa manuh mora toh vaccine logot linked nai koikena CCN para khobor thishe. Khobor toh clear thaka nai ke, volunteer ke vaccine thishe naa nai. Health agency para”medical privacy” nemite dosura khobor toh junai deya nai. “medical incidents howa nemite control group te participants aro COVID-19 vaccine group pithor te khobor loiase koishe. Brazil te etu case nemite bhal para sai ase aro clinical trial safety bapana nathaka nemite Brazilian regulator para trials toh jai thakiboli koishe, koikena Oxford University para CNN ke janai thishe. Rio te clinical trial toh D’Or Institute para sai ase aro etai dak te 8,000 volunteers kahn toh vaccine toh marikena ase koishe. Etu samai, vaccine experts para koishe ke, clinical trials samai volunteers kahn bemar be hobo nahoile moribo, hoilebi etu vaccine logot eku linked nai. “eku details nathaka nemite etu cases t eke hoishe koboli napare, hoilebi trials toh jai thakibo. Ami laga bapana te manuh mora toh vaccine para nahoi,” koikena Britain’s University of Reading laga virology professor, Ian Jones para statement te koishe. “ami khan janiboli laga toh, eman tangor trial te bemar howa nahoile trial participant khan moriboli be pareh, trial samai hobo-nahobi,” koikena tai para aro janishe.